ஐயா ஐயா! மரியின் மகனே!

உயிரே! உயிரே!

மரியன் மகனே!

உயிரே என் உயிரே

மறித்து எழுந்த உயிரே!

முப்பொழுதும் நினைப்பேன்

முழுவதும் ஜெபிப்பேன்.

உயிரே! உயிரே!

மரியன் மகனே!

உயிரே என் உயிரே

வின்மீன்கள் காட்டிடுமே உன் ஒளியை

விடுதலையை தரும் உயிரே!

விருப்பமுடன் உன்னுடன் வந்தேன்

வினாகளுக்கு விடை அளித்தாய்

வின்னப்பம் உன்னிடம் வைத்தேன்.

வேற்றுமை காட்டாத என் உயிரே!

வேறு இல்லை -  உன் பெயரின்றி

வேறு இல்லை எனக்கு

உயிரே! உயிரே! 

மரியன் மகனே!

வதைத்தவருக்கும் வஞ்சமில்லா அன்பை

வழங்கின உயிரே! - வாசகம்

வரைந்தேன் உன்னை போல் வாழ

உயிரே! உயிரே!

மரியன் மகனே!

உயிரே என் உயிரே

- முத்து துரை

முருகா!

அருவாய்! உருவாய்! 

நீ நின்றாய் 

ஆறுதல் நான் தேடினேன்

அடைக்கலம் நீ தந்தாய்

ஆலயம் தான் நுழைத்தேன்

அரவணைப்பை நீ தந்தாய்.

அருவாய்! உருவாய்!

நீ நின்றாய் - முருகா முருகா

ஆரவாரமோடு நான் தொழுதேன்

அழகா ! குமாரா! அருள் புரிவாயே

முருகா! முருகா!  தினமும்  துதித்தேன்

முத்தா ! முருகா!  நீயும் வருவாயே

குமரா! குமரா! குதித்தேனே

குறைகள் களைவாயே!

அருளே! அருளே! உனை அடைந்தேனே

அன்பை நீயும் பொழிவாயே!

பயந்துடன் நான் கிடந்தேனே

மயிலும், சேவலுமாய் காத்தாயே!

சரவணபவ சரணடைந்தேன்

உன்னிடமே!

அருவாய்! உருவாய்!

நீ நின்றாய் - முருகா

- முத்து துரை

பங்கு வர்த்தகம்

முயலுடன் போக விரும்புகிறேன்

ஆனால் 

ஆமை வேகமே மிக நன்று!

இது நன்று அது நன்று

சொல்லும் தொல்லைகாட்சி

எது நன்று முடிவு என்னிடமே!

கத்துக்குட்டி நான் இன்று

அகல கால் வைக்க முயல்வதேனோ?

தொட்டது எல்லாம் பொன்னாக 

காலம் அதிகம் வேண்டுமோ?

எத்தனை எத்தனை வாசகங்கள்

ஏமாற நான் முயலவில்லை!

முயலுடன் போக விரும்புகிறேன்

ஆனால் 

ஆமை வேகமே மிக நன்று!

சரியும் ஏறும் 

சரித்திரம் படைக்கும்

சரியானதை தேர்ந்தெடுப்பேன்.

சாதனை காலம் வரை 

சாதிக்க நானும் காத்திருப்பேன்

முயலுடன் போக விரும்புகிறேன்

ஆனால் 

ஆமை வேகமே மிக நன்று!

- முத்து துரை

பணத்துடன் நான்?

மனிதன்: ஏன் உன்னை காதலித்தேன்?

பணம்: என்னை காதலிக்காதவர் யாருமில்லை.

மனிதன்: ஏன் என்னை வதைக்கிறாய்?

பணம்: நானா நானா நான் இல்லை, நீ நீ நீயே தான்.

மனிதன் : ஏன் என்னை ஆதிக்கவாதியாக்கினாய்?

பணம் : நான் அதிகம் இருந்தால் அப்படி தான்

மனிதன்: ஏன் என்னை அடிமையாக்கினாய்?

பணம்: என்னில் மயங்காதோர் யாருமில்லை.

மனிதன்: பணமே பணமே கொஞ்சம் நில்லு! ஏன் என்னுடன் வருவதில்லை?

பணம்: எப்போதும் இல்லை இல்லை புலம்புவதால்

மனிதன்: பணமே!பணமே ! ஏன் அடக்குமுறை செய்ய வைத்தாய்? 

பணம் : ஹா ஹா ஹா நீ அடக்க நினைத்தற்கு நானா பொறுப்பு.

மனிதன்: கைக்கு கை மாறும் உன்னை ஏன் தினம் தேடுகிறேன்?

பணம் : உன் மனமிடமே கேள்!

மனிதன்: நீ அதிகம் என்னிடம் ஆனால் என்னை நேசிக்க தான் யாருமில்லை?

பணம்: உன் குணம் சேர்க்கும் உண்மையானவர்களை !

பணம்: நான் தான் எல்லாம், என்  எல்லை எதுவரை என்பது உன்னிடமே !

மனிதன்: நீ அதிகம் என்னிடம் வர நான் என்ன செய்ய?

பணம்: வாழுவித்து, மகிழ்வித்து வாழடா! உன்னுடனே இருப்பேன், உயர்விப்பேன் !எல்லாம் என்னிடமே 

காதலின் வலி!

காதலித்தேன் 

காதல்கள் ஏங்கும்படி

வெற்றி மட்டுமே

என்றேன்

தோல்வியுடன் நிற்கிறேன்.

புன்னகை மட்டுமே

என்றேன் 

அழுகையுடன் நடக்கிறேன்.

காதலித்தேன் 

காதல்கள் ஏங்கும்படி

குதுகளிப்பு மட்டுமே

என்றேன்

சோகத்துடன் கிடக்கிறேன்.

பிணைப்பு மட்டுமே

என்றேன்

பிரிவுடன் வாடுகிறேன்.

- முத்து துரை

பணம் என்னும் நான்!

என்னை நேசிப்பவர்கள் 

அதிகம் - என்னை

யாசிப்பவரும் அதிகம்

அதிகம் அதிகம் 

நான் இருந்தால்

சலுகை அதிகம்...

அழுகை அழுகை 

நான் இல்லை

அழுகை அழுகை...

ஆடம்பரம் என்னுள்ளே

ஆதிக்கம் என்னுள்ளே

ஆரவாரம் என்னுள்ளே

அடக்குமுறை என்னுள்ளே

மதிப்பிற்கு நான்

மரியாதைக்கு நான்

பகட்டுக்கு நான்

பிரம்மனும் நானே!

அதிகம் இருந்தால் 

அரசும் நானே!

இல்லை என்றால் 

ஹா ஹா ஹா ....

பணம் என்னும் நான்....

- முத்து துரை

அவள் அருகில்

அவள் அருகில்

அடிமையானேன்.

கைகள் தந்தால்

தைதியானேன்.

உயிர் கொடுத்து

உலகமானேன்

மனம் கொடுத்து 

மணமுடித்தேன்

காதல் தந்து

காவியமானேன்

கற்பனை வரைந்து 

காதலனானேன்

முத்து துரை

ஆண் பாவம்

சொல்லப்படாத 

வலிகள் பல

நிறைவேறா 

ஆசைகள் பல

நினைவில் குடும்பம் 

நிதம் ஓட்டம்

அன்பு ஒன்றிற்காக

அடங்கி விடுவான்

ஆத்திரம் வந்தால் -தன்னையும் 

அழித்து விடுவான்.

நல்லவன் நல்லவன் 

சட்டம் இல்லாதவன்

- முத்து துரை

முதல் குழந்தை

நேற்று நான்

இன்று ? - உன்

தோள்கள் முழுதும்

பாப்பாவிற்கு என்றால் 

நான்?

கொஞ்சினாய் 

செல்லமே தங்கமே!

இன்று 

தொல்லையானேன்.

ஏங்குகிறேன் அம்மா!

என்னையும் 

கண்டுக்கொள்வாயா?

நேற்று நான்

இன்று - இன்றும்

நான் சிறு 

குழந்தைதான் அம்மா!

- முத்து துரை

என் காதல்

கார்மேகம் இடையில் மின்னல்
புகுவதை போல்
உன் கூந்தல் மேகத்தில
துடித்து போனது என் மனம்...

மணம் செய்த மறுகணம்
மனம் உன் வசமானது...

தென்றல்  வருடும் வேலை
உன் கைகளில் நான் போர்வையானேன்...

முதல் காதல் நீயானாய்

முற்றிலும் தொலைந்தேன்

நான் நீயாக!...

உன் இதய துடிப்பின் 

ஓசையில் - என் செவிகள் 

மலரும் இனிமையாக ....

அன்புடன் கரைந்தேன் 

என் காதல் 

மனமே!

- முத்து துரை

முதல் பிரசவம்

நொடிப் பொழுதில் 

கரைந்தேன் கரைந்தேன்

யுகம் முழுதும் 

தவழ்ந்தேன் தவழ்ந்தேன்

போதை உணர்ந்தேன்

பிறவி எடுத்தேன் 

காதல் உணர்ந்தேன்

கற்பனையில் மிதந்தேன்

எல்லாம் என்றேன்

உன்னில் கரைந்தேன்

உயிர்வரை வளர்த்தேன்

உள்ளம் எல்லாம் - உன்னை

வைத்தேன்

உள்ளுக்குள்ளே ஆசை விதைத்தேன்

உயிரைக் கொடுத்தேன்

உதிரம் உதிர்த்தேன்

உயர்வாய் உணர்ந்தேன்

உன்னில் கரைந்தேன்

உயிர்வரை வளர்த்தேன்

வருவாய் எந்தன்

முதல் காதலே!.

- முத்து துரை

இயற்கை காதலே!....

அன்பின் உருவே! 

அழகின் கருவே!

ஆசை உறவே!

ஆனந்த பிறப்பே!

சோகத்தின் தனிமையே

இன்பத்தின் எல்லையே

இமைகளின் வெளிச்சமே.

கருவிழி சுருக்கமே!

முதல் பார்வை காதலியே

முழுவுலகும் சேர்ந்தவளே

முழுவதும் உன்னுள் கரைந்தேன்.

இயற்க்கையே

என் காதலியே!

- முத்து துரை.

முதியோர் ஏக்கம்.

முழுவதும் கறைந்தேன் 

முற்றிலும் தளர்ந்தேன்

முழு நிலவு போல் தனித்தேன்.

உடல் மெலிந்தேன் 

நடை தளர்ந்தேன்...

இமை சுருங்கினேன்

இதழ் தழுதழுத்தேன்

இடமரியா இடறறிந்தேன்.

தன்னந்தனியாக போனேன்

பேசிக் கொள்ளா பாசம்

பேசடா என் தவமே!..

- முத்து துரை

ம்ம் காதல்...

என் எண்ணம் எல்லாம் - நீ

கண்ணே! 

என் காலம் முழுதும்

உன் கையில் என் நாணம்

நானும் நீயும் 

நீயும் நானும்

உன் கைகளின் ஓவியம்

என் கைகளின் காவியம்

நம்ளுள் உள்ள பாசம் 

காதலாக நாம்

என் பிம்பமாக நீயும்...

உன் பிம்பமாக நானும்...

கரை புரண்டு ஓடும்

கட்டு கடங்கா காதல்...

- முத்து துரை

பிரிவு!..

பட்டம் என்று நினைத்தேன்

வான் உயர பறந்ததும்

பாதியில் விடுவாய் என்று நினைக்கவில்லை...

பிரிவில் தவித்தேன்

வினையென்று நினைத்தேன்

வரம் என்பதை மறந்தேன்...

பாதியில் அறுபட்டேன்

பாவங்கள் புரிந்தேன்

பற்றற்று இருந்தேன்

பேதமாய் போனேன்

பாவியாய் ஆனேன்

போதும் வேட்கை

போகா வாழ்கை....

- முத்து துரை